Қостанай облысында бір айда 230-ға жуық тұрғынды кене шаққан

Күн жылынғалы Қостанай облысында кене шаққан адамдардың қатары көбейген. Соңғы бір аптада 37 оқиға тіркелсе, 1 айда 230-ға тарта тұрғын жәндіктерден зардап шеккен, деп хабарлайды Azattyq Ruhy qazaqstan.tv-ға сілтеме жасап.

Оның үштен бірі - балалар. Алайда, мамандар бұл қалыпты жағдай деп отыр. Сондықтан зиянкестерді улау жұмыстары жүргізілмейді. Тек оларды жинап арнайы зертханада жұқпалы індетке қарсы тексереді.

«Бүгінгі таңда 12 140 кене зерттелді. Барлық зерттеулер уақытында жүргізілді. Нәтижесі берілді. Соған сәйкес зерттелген кенелерден жұқпалы аурулар анықталған жоқ», - деді «Ұлттық сараптама орталығы» МК Облыстық филиалы басшысы Бауыржан Көпжасаров.