«Сайлау» және «БАҚ туралы» заңнамасын өрескел бұзу фактісі анықталған жоқ – АҚДМ

Ақпарат және қоғамдық даму вице-министрі Қанат Ысқақов ОСК отырысында БАҚ-та жарияланған материалдар бойынша есеп берді, деп хабарлайды Azattyq Ruhy.

«Қорытындылай келе отырып, жалпы алғанда кандидаттардың БАҚ-та тең қолжетімділігін қамтамасыз ету принципі сақталғанын атап өткім келеді. Сондай-ақ, «Сайлау» және «БАҚ туралы» заңнамасын өрескел бұзу фактісі анықталған жоқ. Осы орайда БАҚ өкілдеріне ризашылығымды білдіремін. Сіздердің жоғары кәсібиліктеріңіздің нәтижесінде партияларға және үміткерлерге біркелкі жағдай жасау мақсатына жеттік», - деді ол.

Сондай-ақ, вице-министр ЕҚЫҰ қауымдастық ұйымының бюросы отандық 6 теларна мен 6 интернет ресурс бойынша мониторинг өткізді.

«Халықаралық ұйыммен бірлесе отырып, біз де мониторинг жасадық. 12 дереккөз бойынша біздің мониторинг нәтижелеріміз көп жағдайда барлық партияның қызметі біркелкі қамтылғанын көрсетті. Яғни, біркелкілік сынды бізге жүктелген міндет атқарылды. Бұзушылықтарға келетін болсақ, анықталған бұзушылықтардың басым бөлігі сайлау алдында берілетін материалға қатысты болды. Үгіт-насихат материалдарын таңбалау болмағаны да көп кездескен қателік. Тағы бір қателік ОСК-да тіркелмеген ұйымдардың сауалнамасы мен пікірлерін орналастыру қате екенін бекітіп, тиісті органдарға жібердік», - деді ол.