Баян Мақсатқызының әкесі қайтыс болды

Бұл туралы тележүргізуші Динара Сәтжан әлеуметтік желіде жазды, деп хабарлайды Azattyq Ruhy.

«Досым Баян бүгін әкесінен айырылды. Иманды болсын. Адам үшін ең үлкен қайғы», – деп жазды Динара Сатжан.

Сондай-ақ  Назым Басқынбаева Баян Мақсатқызының отбасына көңіл айтты.

«Асыл ер, абыройлы азамат, аяулы жар, ардақты әке, қазақ мәдениеті мен руханиятының жанашыры Мақсат Зайлағиұлы Мұхитденов өмірден озды. Қашан да жүзі жылы, сабырлы, ақылы мен тәжірибесін ортаға салып, бағыт-бағдар нұсқауға дайын, зиялылықтың символындай болған керемет жан еді... Қабырғамызды қайыстырған қаралы хабар оның айрандай ұйып отырған отбасына ауыр соққы болып тиді. Аса қадірлі Гүлжамал Айдарқызына, Бәтес, Баян және Бағым ханымдарға, олардың өмірлік жарлары Марат, Тұрсынғали, Әділжан мырзаларға, немерелері Айдар, Ақбота, Айсәуле, Айару, Арланға, шөберелеріне қайғырып, көңіл айтамыз. Мақсат ағамыздың иманы саламат болып, жаны жаннаттан жай тапсын», - деп жазды Назым Басқынбаева.