Түркияда мейрамханада болған жарылыс: зардап шеккендер арасында Қазақстан азаматтары жоқ

Түркия мейрамханасында жарылыс салдарынан зардап шеккендердің арасында Қазақстанның азаматтары жоқ, деп хабарлайды ҚазАқпарат.

Аталған ақпаратты ҚР Сыртқы істер министрлігінің баспасөз қызметі растады. Сондай-ақ, ведомстводан бұл соңғы дерек екені айтылды.

Айта кетсек, Түркияның Назилли қаласында мейрамханада жарылыс болып, 7 адам қаза тапты. Мейрамханада 20-дан астам адам болған.

TRT телеарнасының хабарлауынша, жарылыс мейрамхананың асханасында жергілікті уақыт бойынша сағат 15:30-да газ баллонын ауыстырып жатқан кезде тіркелген. Зардап шеккендер жергілікті ауруханаларға жеткізілді, олардың жағдайы ауыр деп хабарланды.