Асудан ұшып кеткен: Алматы облысында жантүршігерлік жол апаты болды

Оқиға орнында төрт адам қаза тапты

20 желтоқсанда Алматы облысында республикалық маңызы бар Көкпек – Кеген – Түп тасжолында жол-көлік апаты тіркелді. Видеодан көліктің биік асудан құлап кеткенін аңғаруға болады, деп хабарлайды Azattyq Ruhy.

Алматы облысы ПД мәліметінше, Hyundai Santamo автокөлігін басқарған 44 жастағы ер адам қатар келе жатқан Mitsubishi Galant көлігіне соғылған. Соққы екпінінен асудан ұшып кеткен Hyundai Santamo жүргізушісі мен оның үш жолаушысы оқиға орнында қаза тапқан.

Зардап шеккен тағы екі адам ауруханаға жеткізілді.

Аталған факті бойынша қажетті сараптамалар тағайындалған. ҚР Қылмыстық кодексінің 345-бабының 3-тармағы бойынша сотқа дейінгі тергеу басталды.

Мақалада

#Алматы облысы #жол апаты

Алдыңғы жаңалық

Пәтерін жалға беретін 1700-ден астам тұрғын салық органдарында тіркелмеген – МКК