Франция президенті партиясының кеңсесінде тінту жүргізілді
Тінту жұмыстары сайлау науқанын заңсыз қаржыландыруды тергеуге байланысты жасалуда
Франция президенті Эммануэль Макронның «Ренессанс» партиясының кеңсесінде және АҚШ-тың McKinsey консалтингтік фирмасының Париждегі штаб-пәтерінде тінту жүргізілді. Бұл іс 2017 жылы осы фирманың Мемлекет басшысының сайлау науқанын заңсыз қаржыландыруын тергеуге байланысты жүргізілді.
Тінту жұмыстары Париж Ұлттық қаржы прокуратурасының сот тапсырмасы бойынша жүргізілгені атап өтілді. Тінту барысында жандармдар 2017 жылғы сайлау науқанының мұрағатын сұрады. «Ренессанс» партиясының өзінде болып жатқан оқиғаларға сабырлы түрде жауап берді. Олар бұл істе "пайдалы болуы мүмкін кез келген ақпаратты беруге дайын" деп мәлімдеді.
Францияда Маккинси 2017 жылғы сайлауда Макронның сайлау науқанын заңсыз қаржыландырды деп күдіктенген болатын.
БАҚ-тың хабарлауынша, бастапқыда Сенаттың баяндамасынан кейін наурыз айында басталған тергеу жеке консалтингтік компаниялардың ақшаны жылыстатуы және корпоративтік салықты төлемеу фактісі бойынша жүргізілген. Олардың арасында Маккинси де болды. Оның француз кеңсесі соңғы 10 жыл ішінде салық төлемеді деп күдіктелуде. Сонымен қатар, консалтингтік компаниялардың қызметтеріне мемлекеттің шығыстары 2018-2021 жылдар аралығында орта есеппен екі есеге артқаны атап өтілді.
Ағымдағы жылдың мамыр айында McKinsey штаб-пәтерінде осы факт бойынша тінту жүргізілді, содан кейін прокурорлар компанияны «фаворитизм» және «сайлау науқанын заңсыз қаржыландыру» бойынша айыптады.
