Украина 30 миллион жарықдиодты шам алады - Еурокомиссия

Еуропа Украина үшін 30 миллионға жуық жарықдиодты шамдарды (LED) сатып алуға қаражат бөледі. Бұл туралы Еурокомиссия Президенті Урсула фон дер Лейен айтты, деп хабарлайды Azattyq Ruhy.

"Біз бәріміз Президент Зеленскийді мұқият тыңдадық, ол халықаралық қауымдастыққа украин үйлеріне 50 миллион жарықдиодты шам беру туралы жүгінді. Бұл өте маңызды, себебі олар ескі шамдарға қарағанда 88% энергияны үнемдейді. Бұл - энергияны үнемдеу. 50 млн жарықдиодты шам орнатылса, 1 ГВт дейін электр энергиясын сақтайды, бұл бір атом электр станциясының жылдық жұмысына тең", – деді ол.

Фон дер Лейен басқа елдерді осындай шамдарды сатып алуды қаржыландыруға қосылуға шақырды. Оның айтуынша, ЕК қазірдің өзінде "Донецк, Запорожье, Днепропетровск, Николаев облыстарының госпитальдарында үнемі энергиямен қамтамасыз ету үшін 14 ірі генераторды ұсынды. Бұл - электр қуатын қажет ететін ауруханалар".

"Бұдан басқа, елдің өзге өңірлеріне тағы 800 генератор жіберіледі. Бұл - өте үлкен көмек", – деп қосты Урсула фон дер Лейен.

Ол Польшада осы аптада жұмыс істейтін энергетикалық тауарлар хабы құрылып жатқанын айтты.