Алматы тұрғынынан 500-ге жуық киік мүйізі тәркіленді
Полицейлер ақбөкен мүйіздерін сақтау және сату фактісіне қатысты терегу амалдарын жүргізіп жатыр
Алматы тұрғынынан 500-ге жуық киік мүйізі тәркіленді, деп хабарлайды Azattyq Ruhy Polisia.kz-ке сілтеме жасап.
Полиция қызметкерлері Алатау ауданындағы Заря Восток шағын ауданында арнайы іс-шараны жүргізді. ҰҚКБ қызметкерлері жергілікті тұрғынның Қызыл кітапқа енген ақбөкен мүйіздерін сақтап, сататыны туралы жедел ақпаратты тексерді.
Күдіктінің үйін тінту барысында қосалқы бөлмеден 462 дана ақбөкен мүйізі, сондай-ақ белгісіз тұқымды тастар табылды және тәркіленді.
Бұл дерек сотқа дейінгі тергеудің бірыңғай тізіліміне ҚР ҚК-нің 399-бабы бойынша тіркелді. Тауарды Алматыға жеткізудің мән-жайы мен оны жүзеге асыру шарттары тергеу барысында анықталатын болады.
