АҚШ-тан келген бақылаушы Қазақстан мен Америкадағы дауыс беру айырмашылығы туралы айтты

Wikistrat Global Consultancy аға ғылыми қызметкері, АҚШ-тың тәуелсіз бақылаушылар миссиясының мүшесі Ричард Уильям Вайц Қазақстан мен Америкадағы сайлаудағы айырмашылықтар туралы айтты. Бұл туралы Azattyq Ruhy Sailau 2022 Telegram каналына сілтеме жасап хабарлайды.

Бүгінгі сайлау күні Wikistrat Global Consultancy аға ғылыми қызметкері 20 учаскеге баруды жоспарлап отыр.

«Сайлау учаскелерінде мен әр түрлі жастағы адамдарды көрдім, жастар да бар, үлкен кісілер де бар. Ешқандай  наразылылық болған жоқ, мен өз көргеніме риза болдым», - деп атап өтті ол.

Ричард Уильям Вайц жергілікті және шетелдік бақылаушылардың арасынан Франция мен Ресейден келгендерді көргенін айтты.

Оның айтуынша, АҚШ-та  бақылаушыларға сайлау учаскелерінің ішінде отыруына тыйым салынады, олар тек сырттан бақылайды екен.  Сондай-ақ АҚШ-та сайлауда халықтың жартысынан азы дауыс беретінін айтты.