Астанада теміржол вокзалы мен сол жағалауды байланыстыратын жаңа көше ашылды

Астанада 12 қарашада А91 (Қордай) көшесінен Астана – Қарағанды тасжолына дейінгі аралықта А62 көшесі бойында қозғалыс ашылды, деп хабарлайды Azattyq Ruhy елорда әкімдігінің баспасөз қызметіне сілтеме жасап.

Бұл көше Қарағанды тасжолы, «Нұрлы Жол» теміржол вокзалы және қаланың сол жағалауы арасындағы көлік байланысын қамтамасыз етуге мүмкіндік береді. Осылайша, Нәжімеденов, Байтұрсынов көшелеріндегі көлік ағынын сейілтті, оның бір бөлігі Қошқарбаев даңғылынан, Айнакөл көшесінен, Абылайхан даңғылынан және Қобда көшесінен және т.б. кетеді.

«А62 көшесі 8 жолақты. Бұл көшедегі жұмыстың бір бөлігі аяқталды, 4 жолақ бойынша қозғалыс ашық. Қалған 4 жолақты абаттандыру жұмысы көктемде жалғасады», - делінген хабарламада.

Осыған дейін Ұлы дала даңғылындағы жаңа көпір үстіндегі қозғалыс ашылды. Көпір Мәңгілік ел даңғылына, А. Байтұрсынов, Р. Қошқарбаев, Ж. Нәжімеденов көшелеріне, Nova City ауданына, «Мыңжылдық» аллеясында көлік ағынын сейілтуге, «Нұрлы жол» жаңа вокзалына, Тельман және Промышленный елді мекендеріне, Метро гипермаркетіне, Жұмабаев даңғылына, Жүргенов көшесіне және т.б. қолжетімділікті арттырады.

Есіл өзені арқылы Тәуелсіздік даңғылының бойында орналасқан тағы бір көлік көпірі 2023 жылы ашылады. Бұл көпір Тәуелсіздік даңғылы, жаңа теміржол вокзалы аумағы, Қошқарбаев даңғылы, Нәжімеденов көшесі, Әзірет Сұлтан мешіті ауданы, Байтұрсынов көшесі, Қордай, Айнакөл, Момышұлы даңғылы және т.б. қосымша байланысты қамтамасыз етуге мүмкіндік береді.

«Сонымен қатар соңғы жылдары 400-ден астам көше жөнделді, олардың жартысы елдімекендерде орналасқан», - делінген хабарламада.