Шымкентте жеңілдікпен киім-кешек алмақ болғандар бірін-бірі таптап кете жаздады
Әлеуметтік желіде дүкенге кіруге таласып, бірін-бірі итеріп жатқан адамдардың видеосы таралды
Шымкентте жеңілдікпен киім-кешек алмақ болғандар бірін-бірі таптап кете жаздады. Жаппай сатылым ұйымдастырып, қауіпсізідкті қамтамасыз етпеген сауда үйінің иесі әкімшілік жауапкершілікке тартылады, деп хабарлайды Azattyq Ruhy.
Шымкент қаласында Тәуке хан даңғылы бойындағы сауда үйі 5-қарашада спортттық киімдерді арзан бағамен сатуға акция ұйымдастырған. Алайда келушілер қатары сауда үйі әкімшілігі ойланғаннан әлдеқайда көп болса керек. Жиналғандар бірін-бірі итеріп, дүкенге кіруге кедергі келтірген.
Оқиға орнына учаскелік инспекторлар шақыртылды.
Сауда үйінің иесі Қазақстан Республикасы әкімшілік құқық бұзушылықтар туралы Кодекстің 488-1 бабы бойынша әкімшілік жауапкершілікке тартылады.
