Қазақстанда 5G желісін қосуға қанша қаражат жұмсалады
Келесі жылы 5G желісі үш қаланы қамтиды
Президент Қасым-Жомарт Тоқаев Қазақстанның барлық облыстық және аудандық орталықтарын 5G-мен қамтуға уәде берді. Бекітілген ұлттық жобаға сәйкес, 2023 жылы 5G желісі үш қаланы қамтиды, деп хабарлайды Azattyq Rýhy LS-ке сілтеме жасап.
Бекітілген ұлттық жобаға сәйкес, 2023 жылы 5G желісі үш қаланы қамтиды. 2025 жылы мұндай қалалардың саны 14-ке дейін өседі. Цифрлық даму министрлігінің күтуінше технологиялық бейтараптықты қолдану және 5G және 4G-ге көшу есебінен елдімекендер 2G/3G-ден кезең-кезеңімен бас тартады. Қала маңында интернет FWA арқылы таратылмақ.
2021-2025 жылдары 5G-мен қамту үшін барлығы 442 млрд теңге бағыттау жоспарлануда. Бұл ретте барлық қаржыландыру бюджеттен тыс, яғни операторлардың есебінен жүзеге асырылады.
Оның ішінде 2023 және 2024 жылдарға 110,5 млрд теңгеден, 2025 жылға 221 млрд теңге жоспарланған.
Нәтижесінде ауылшаруашылық кәсіпорындарының 15,7%-ы байланыс жабдықтарын жаңарта алады.
Бұған дейін, Қазақстанның өңірлерінде 5G үш жыл ішінде пайда болатыны хабарланған болатын.
