Харьков тұрғыны зымыранның бөлшегін ауласына әкеліп қойған: ол жарылып, үш адам қаза тапты

Харьков облысы Лозовский ауданы Федоровка ауылында жеке үй аумағындағы жарылыс салдарынан үш адамнан тұратын отбасы қаза тапты, деп хабарлайды Azattyq Ruhy korrespondent.net-ке сілтеме жасап.

«Алдын ала анықталғандай, ер адам ауыл маңындағы алқаптан С-300 зымыранының жарылмаған сынығын тауып алған. Ол оны тұрғылықты жеріндегі аулаға әкелген, зымыран сол жерде жарылған», - делінген хабарламада.

Жарылыс құрбандары – 47 жастағы ер адам, оның 35 жастағы әйелі және 4 жасар қызы.

Оқиға туралы ақпарат сотқа дейінгі тергеп-тексерудің бірыңғай реестріне «апат» деген белгімен енгізілді.