Иран Мәскеуге зымыран мен дрон жеткізуді жалғастыра бермек

Иран Ресейге «жер-жер» зымырандарын, сондай-ақ дрондардың жаңа партиясын беруге уәде берді, деп хабарлайды Azattyq Ruhy агенттігі Reuters агенттігіне сілтеме жасап.

Мәміле Иранның бірінші вице-президенті Мұхаммед Мохбердің, Ислам революциясының күзет корпусының екі аға өкілі және Иранның Ұлттық қауіпсіздік Жоғары Кеңесінің мүшесі Ресеймен қару-жарақ жеткізу туралы келіссөздер жүргізу үшін Мәскеуге сапары кезінде келісілді.

«Ресей тарапы дрондар мен Иранның жоғары дәлдіктегі баллистикалық зымырандарын, әсіресе Fateh және Zolfaghar зымырандарын көбірек сұрады», - деді ирандық дипломаттардың бірі.

Иран жеткізуге келіскен дрондардың бірі – Shahed-136. Ол шағын оқтұмсықты алып жүреді және оны «су-жер» санатындағы «камикадзе ұшағы» ретінде пайдалануға болады.

Fateh – 110 және Zolfaghar-300-ден 700 км-ге дейін (186 және 435 миль) нысанаға соғуға қабілетті ирандық қысқа қашықтықтағы «жер-жер» баллистикалық зымырандары.

Иран дипломаты Батыстың мұндай жеткізілімдер БҰҰ Қауіпсіздік Кеңесінің 2015 жылғы қарарын бұзады деген айыптаулардың орынсыз екенін айтты.

«Олардың қайда қолданылатыны сатушыға қатысты мәселе емес. Біз Батыс сияқты Украина дағдарысында ешкімнің жағын қабылдамаймыз. Біз дағдарысты дипломатиялық жолмен тоқтатқымыз келеді», - деді дипломат.

Тағы бір ирандық дипломат Мәскеудің Fateh 110 және Zolfaghar қысқа қашықтықтағы зымырандарын сұрағанын және жеткізілім ең көбі 10 күннен кейін жүзеге асырылатынын айтты.

УКРАИНАДАҒЫ ЭЛЕКТР СТАНЦИЯЛАРЫНЫҢ 30%-Ы БІР АПТАДА ЖОЙЫЛДЫ – ЗЕЛЕНСКИЙ

Украинадағы электр станцияларының отыз пайызы бір аптадан астам уақыт ішінде жойылды. Бұл бүкіл ел бойынша жаппай электр қуатын өшіруге әкеп соқты деді президент Владимир Зеленский. Өйткені Кремль маңызды энергетикалық инфрақұрылымға шабуылдарды күшейтіп жатыр.

«Ресейлік лаңкестік шабуылдардың тағы бір түрі энергетикалық және маңызды инфрақұрылымға бағытталған. 10 қазаннан бастап Украинадағы электр станцияларының 30%-ы қирады, бұл бүкіл ел бойынша электр қуатын жаппай өшіруге әкелді», - деп жазды Зеленский Твиттердегі жазбасында.

Фото: Reuters

«Күні бойы Ресей Федерациясының Қарулы Күштері Украинаның әскери қолбасшылығы мен энергетикалық жүйелеріне, сондай-ақ оқ-дәрілері мен шетелдік қару-жарақтары бар арсеналдарға жоғары дәлдіктегі әуе және теңіз негізіндегі қару-жарақпен соққыларын жалғастырды, барлық белгіленген нысан шабуылға ұшырады», - деді подполковник Игорь Конашенков.

Шенеуніктердің айтуынша, осы аптада Киевте қаза тапқандар саны артқан. Дүйсенбіде кем дегенде бес адам Иранның камикадзе дрондарын қолданатын ресейлік шабуылдардан қаза тапқан. Ал сейсенбіде жеке соққылардан кем дегенде үш адам қаза тапты.

ГЕРМАНИЯНЫҢ ФЕДЕРАЛДЫ КИБЕРҚАУІПСІЗДІК АГЕНТТІГІНІҢ БАСШЫСЫ РЕСЕЙМЕН БАЙЛАНЫС ЖАСАДЫ ДЕГЕН АЙЫППЕН ЖҰМЫСТАН ШЫҒАРЫЛДЫ

Германияның киберқауіпсіздік агенттігінің басшысы Арне Шоенбом Ресейдің арнайы қызметтерінің ардагерлері бар фирмамен байланыс орнатқан деген күдікке ілініп, жұмыстан шығарылды, деп хабарлады Германияның ІІМ.

Жұмыстан босату туралы бұйрыққа ішкі істер министрі Нэнси Фрезер қол қойды, құжат бірден күшіне енеді.

Шенбомға қатысты айыптаулар Германияның ZDF қоғамдық телеарнасының тергеуінде келтірілген. Киберқауіпсіздік агенттігінің бұрынғы басшысы бұрын «Германияның киберқауіпсіздік Кеңесін» басқарған және журналистердің айтуынша, соңғы уақытқа дейін Ресейдің барлау агенттіктеріне күдіктенген фирма болған.

Тергеу авторларының пікірінше, қауымдастықтың құрамына кіретін Protelion GmbH берлиндік фирмасы наурыз айының соңына дейін Infotecs GmbH деген атпен жұмыс істеген және КГБ-ның бұрынғы қызметкері Андрей Чапчаев негізін қалаған ресейлік «ИнфоТеКС» компаниясының еншілес кәсіпорны болған.

Ал «Киберқауіпсіздік Кеңесі» өзі Мәскеумен байланысты айыптауды ақылға қонымсыз деп санайды. 2012 жылы құрылған қауымдастық компанияларға, саясаткерлерге және билік органдарына киберқауіпсіздік мәселелері бойынша кеңес береді және саяси бейтарап деп мәлімдейді.

ИРАНДЫҚ СПОРТШЫ ХИДЖАБСЫЗ ӨНЕР КӨРСЕТКЕНІ ҮШІН ҚАМАУҒА АЛЫНУЫ МҮМКІН

Халықаралық спорттық альпинизм федерациясы ирандық спортшы Эльназ Рекабидің тағдырына алаңдаушылық білдіреді. Сеулде өткен Азия чемпионатында ол өз отанындағы жаппай наразылықтарды қолдап, басын жаппастан өнер көрсетті. Бірақ бұл Иран заңдарына қайшы келетін әрекет саналады. БАҚ-тың хабарлауынша, ол Сеулден мерзімінен бұрын кетуге мәжбүр болған және қазір қамауға алынуы мүмкін. 

Фото: Rhea KANG

Ильназ бірнеше жыл бұрын Euronews-ке хиджаб айналасындағы спорттық мәселелер туралы айтқан болатын.

«Басқа спортшылар әрқашан біздің қыздардың басына орамал тағып, жоғары температурадаңы жарыс кезінде қол-аяғын жабатын киім киіп алғанына әрқашан таңдана қарайды. Әрине, ыстық болған кезде хиджаб қиындықтар туғызады. Біз өзіміз хиджабпен де, альпинизмге де үйлесімді киім жасауға тырыстық», - деген еді Ильназ.

ФРАНЦИЯДАҒЫ ЖАЛПЫҰЛТТЫҚ ЕРЕУІЛДЕРДЕН КЕЙІН ПОЙЫЗДАР ТОҚТАТЫЛЫП,  МЕКТЕПТЕР ЗАРДАП ШЕКТІ

Францияда жанармай тапшылығы мен жанармай құю бекеттерінде бірнеше шақырымдық кезектің салдарынан жалпыұлттық ереуіл болып жатыр. Бір аптаға созыған наразылық шарасына Француз кәсіподақтары шақырған.

Париждегі кейбір қала маңындағы теміржол желілерінде әрбір екінші пойыз тоқтатылды, ал Eurostar сейсенбі мен сәрсенбіде Франция мен Ұлыбритания астаналары арасындағы төрт рейсті тоқтатты.

Ереуілді мұғалімдер де қолдап шықты. Олар қымбатшылықты айтып, жалақыны көтеруді талап етті.

Францияның білім министрлігінің мәліметі бойынша, орта мектеп мұғалімдерінің 10%-ы сейсенбіде ереуілге шыққан.

Жалақы талаптарымен қатар, жұмысшылар үкіметтің мұнай өңдеу зауыттарының кейбір қызметкерлерін жанармай жеткізілімін қалпына келтіру үшін жұмыс істеуге мәжбүрлегені ашуландырған.