Ақтау теңіз порты кеден бекеті басшысының орынбасары ұсталды
«Адамдар тобының алдын-ала сөз байласуы бойынша бірнеше рет пара алуы» бабы бойынша сотқа дейінгі тергеу басталды
Ақтау теңіз порты кеден бекеті басшысының орынбасары пара алды деген күдікпен ұсталды, деп хабарлайды Azattyq Ruhy.
Маңғыстау облыстық прокуратурасы Сыбайлас жемқорлыққа қарсы іс-қимыл агенттігі Ақтау теңіз порты кеден бекетінің бірнеше лауазымды тұлғасына қатысты іс жүргізіліп жатқанын хабарлады.
Күдікті декларанттардың кедендегі өкілдерінен ақша алған. Қанша сома екені нақтыланбады. Басты күдікті 2 айға қамауға алынды.
«Тергеу барысында кеден бекеті басшысының орынбасары әшкереленді. 10 қыркүйекте сот оған қатысты күзетпен ұстау түріндегі бұлтартпау шарасын санкциялады», - деді Маңғыстау облысы прокуратурасының аға прокуроры Әсет Бекқайыров.
