«AMANAT» партиясы мен Қазақстан футбол федерациясы бірлесіп, бұқаралық спортты дамытады

«AMANAT» партиясы мен Қазақстан футбол федерациясы салауатты өмір салтын насихаттауға, бұқаралық спорт пен еріктілер қозғалысын дамытуға бағытталған өзара ынтымақтастық туралы меморандумға қол қойды. Бұл туралы Azattyq Ruhy партияның баспасөз қызметіне сілтеме жасап хабарлайды.

Меморандумға «AMANAT» партиясының Атқарушы хатшысы Асхат Оралов пен ҚФФ президенті Әділет Барменқұлов қол қойды.

Тараптар өзара ынтымақтастықтың бірқатар бағытын айқындады. Оның ішінде балалар мен жасөспірімдер және бұқаралық футболды дамыту бойынша бірлескен жобаларды әзірлеу және іске асыру көзделген. Басты міндеттердің қатарында спортпен белсенді айналысатын азаматтардың мүдделерін қорғау және түрлі футбол іс-шараларын бірлесіп өткізу де бар.

Жастарды жаппай футболға тарту Қазақстан футбол федерациясы мен «AMANAT» партиясы «Жастар Рухы» жастар қанатының өзара іс-қимылының векторы болады.

Сонымен қатар, аймақтық футбол федерацияларымен бірлесіп, болашақ спорт менеджерлерін даярлау үшін волонтерлік ұйымдарды дамыту жоспарланып отыр.