Астаналықтар Головкин мен Альварес жекпе-жегін үлкен экран арқылы тамашалай алады

Ертең, яғни 18 қыркүйек күні (Астана уақытымен) Лас-Вегастың (США) T-Mobile Arena кешенінде WBA Super, IBF және IBO нұсқалары бойынша орта салмақтағы әлем чемпионы қазақстандық Геннадий Головкин (42-1-1, 37 КО) мен мексикалық Сауль «Канело» Альварес (57-2-2, 39 КО) арасындағы жекпе-жек өтеді.

Айтулы жекпе-жекті астаналықтардың үлкен экран арқылы тамашалауға мүмкіндігі бар. Головкин мен Альварес кездесуінің жаппай көрсетілімін  «AMANAT» партиясының «Жастар Рухы» жастар қанаты ұйымдастырып отыр.

Көрсетілім уақыты: 18.09.2022, 07:00

Мекен-жайы: «ЭКСПО» ауданы, Мәңгілік Ел даңғылы, 53/1.

Айта кетейік, бүгін қарсыластар жекпе-жек алдында салмақ өлшеді.