4 тауық пен бір сиыр бизнестің көзі емес – министр

Сондай-ақ, министр алдағы уақытта отбасылардың жағдайын тексерген кезде мал санына қатысты мәселені нақтылайтынын айтты. 

Министрдің айтуынша, бүгінге дейін 73000 отбасы өз табыстарын жасырып, заңсыз атаулы әлеуметтік көмек алған. Бүгінде осы заңсыздықтар әшкереленіп, мемлекетке 156 млн теңге қайтарылды. Министр Біржан Нұрымбетов жаңа өзгерістер негізінен осындай алаяқтық фактілерін азайтуға тікелей бағытталған. Себебі, енгізіліп жатқан заңнама жергілікті жерлердегі учаскелік комиссияға бақылауды күшейтіп, жауапкершілікті арттырады. Ведомство басшысы отбасылардың жағдайын тексергенде «тоңазытқышы мен теледидарын» емес, шаруа қожалығын, қымбат көлігін, яғни көзге көрінетін дүниесін әділ есепке алуға уәде берді. Ал, мал санына байланысты «3-4 тауық пен бір сиыр бизнестің көзі емес, ауылдың көрінісі. Сондықтан мал санына қатысты белгілі бір санды белгілеуіміз керек. Оны нақтылаймыз», - деді министр Орталық коммуникациялық қызметіндегі брифингте.

Оқи отырыңыз: Көпбалалы отбасыларға жаппай жәрдемақы төленеді. Кім қанша алады?