Қостанай облысында төбелес болып, оқ тиген екі адам ауруханаға түсті

Қостанай облысының полициясы төбелес кезінде атыс қаруын қолданған күдіктіні ұстады, деп хабарлайды Azattyq Rýhy.

27 тамызда сағат 17.50 шамасында жедел басқару орталығына «Юбилейный» бау-бақша қоғамында атыс қаруының қолданылуымен төбелес болып жатқандығы туралы хабарлама түскен.

Оқиға орнына полицияның кешенді күштері тартылды.

«31 және 25 жастағы Сарыкөл ауданының тұрғындары оқ жарақатын алған. Жәбірленушілер дереу ауруханаға жеткізіліп, медициналық көмек көрсетілді. Жағдайлары қанағаттанарлық», - деп көрсетті ведомствоның баспасөз қызметі.

Күдікті оқиға орнынан қашып кеткен. Бұған дейін де сотты болған облыс орталығының 38 жастағы тұрғыны бір сағатта қолға түсті. Қазір ол уақытша ұстау абақтысына қамалды.

Атыс қаруы тәркіленіп, сараптамаға жіберілді.

Сондай-ақ атыс қаруын сақтау және жасау фактілері бойынша процессуалдық шешім қабылдануда.