Бүгін еліміздің кей өңірінде жаңбыр жауса, кей өңірінде қатты ыстық сақталады
Республика бойынша кей аймақта жел күшейеді

Синоптиктер 27 тамызға арналған ауа райы болжамын жариялады, деп хабарлайды Azattyq Ruhy.
«Еліміздің солтүстік, шығыс өңірлеріндегі ауа райын циклон жырасы мен жауын-шашын, найзағай өтетін атмосфералық фронттар айқындайтын болады. ҚР қалған аумағында әлі де бұлтты және құрғақ ауа райын сақталады», - делінген «Қазгидромет» РМК хабарламасында.
Республика бойынша кей аймақта жел күшейеді.
Қызылорда, Түркістан облыстарының басым бөлігінде, Атырау облысының батысы мен шығысында, Батыс Қазақстан, Абай облыстарының оңтүстігінде төтенше өрт қаупі сақталады. Күндіз Атырау, Батыс Қазақстан облыстарының басым бөлігінде қатты ыстық болуы мүмкін.
Нұр-Сұлтан қаласында көшпелі бұлтты, күндіз жаңбыр, найзағай болады. Солтүстік-батыстан, солтүстіктен жел соғады, күші түнде 3-8, күндіз 9-14 м/с. Жетеді. Ауа температурасы түнде +11+13°С, күндіз +25+27°С болады.
Алматы қаласында ауа райы көшпелі бұлтты, жауын-шашынсыз болады. Жел 2-7 м/с жетеді. Ауа температурасы түнде +12+14°С, күндіз +26+28°С болады.
Шымкент қаласында көшпелі бұлтты, жауын-шашынсыз ауа райы сақталады. Солтүстік-шығыстан жел соғады, күші 8-13 м/с жетеді. Ауа температурасы түнде +14+16°С, күндіз +31+33°С болады.