Қызылорда облысында жол апатынан 2 адам қаза тапты
Аталған дерек бойынша сотқа дейінгі тергеу жүріп жатыр
Қызылорда облысында жол-көлік оқиғасынан екі адам қаза тауып, бір жолаушы жарақат алды. Бұл туралы облыстық ПД баспасөз қызметі мәлім етті, деп хабарлайды Azattyq Rýhy.
Департамент хабарлауынша, оқиға 8 тамыз күні сағат 03:30 шамасында «Самара-Шымкент» тасжолының Арал ауданы, Қамыстыбас елді мекенінің тұсында болған.
«Тексеру барысында, Ресейден Өзбекстанға бағыт алған «Chevrolet Nexia» автокөлігі қарама-қарсы бағыттағы келе жатқан «Mercedes-Benz Sprinter» автокөлігіне соқтығысқан. «Chevrolet Nexia» автокөлігінің жүргізушісі және бір жолаушысы оқиға орнында көз жұмды. Ал «Mercedes-Benz Sprinter» автокөлігіндегі жүргізушінің жанында екі жолаушы болған. Оның бірі дене жарақатымен Қазалы аудандық ауруханасына жатқызылды», - делінген хабарламада.
Аталған дерек бойынша ҚР Қылмыстық кодексінің 345-бабының 4-бөлігімен сотқа дейінгі тергеу жүріп жатыр.
Тиісті сараптамалар тағайындалған.
