Алматы облысында жол апатынан 2 бала мерт болды

Еңбекшіқазақ ауданында Қаракемір-Бәйдібек би тас жолында 30 жастағы әйел көлігімен жол жиегінен шығып кетіп, ағашқа соғылған. Қатты соққыдан автокөлік екіге бөлініп қалды, деп хабарлайды Azattyq Ruhy Алматы облысы Полиция департаментіне сілтеме жасап.

Жол апатынан кәмелет жасқа толмаған 2 бала қаза тапты. Жүргізуші мен 3 жасар бала түрлі жарақаттармен ауруханаға жатқызылды. Аталған жол көлік оқиғасы дерегі бойынша қажетті сараптамалар тағайындалып, қылмыстық іс қозғалды.