Суданда жаңбырлы маусым басталды, қаза тапқандар бар

Суданда алапат су тасқыны болып, Дарфур провинциясында кем дегенде 12 адам қаза тапты. Олардың бірі жүкті әйел, екеуі кішкентай бала. Бұл туралы Azattyq Ruhy euronews-ке сілтеме жасап хабарлайды.

Ресми деректерге қарағанда 500-ден астам адам зардап шеккен. Елдегі гуманитарлық ұйымның мәліметінше, су басқан аймақтан көшірілген адамдар орналасқан жердегі 100-ге жуық құрылыс нысаны қираған.

БҰҰ маусымнан қыркүйек айына дейін жалғасатын жаңбырлы маусымнан оңтүстіктегі Дарфур және  Оңтүстік Кордофан, Ақ Ніл және Кассала провинцияларында қазірдің өзінде 9 мыңнан астам адам зардап шеккенін хабарлады.