«Қондырғы оларды турап тастаған»: Жамбылдағы комбинатта екі қызметкер қаза тапты

Azattyq Rýhy

Қазір осы дерек бойынша тергеу басталды
 

«Қондырғы оларды турап тастаған»: Жамбылдағы комбинатта екі қызметкер қаза тапты
Фото ашық дереккөзден

Жамбыл облысындағы кәсіпорында қайғылы жағдай. Екі жұмысшыны фосфор ұнтақтайтын қондырғы турап тастаған, деп хабарлайды Azattyq Rýhy КТК арнасына сілтеме жасап.

Сұмдық оқиға «Қазфосфат» серікітестігінің Сарысу ауданындағы бөлімшесінде болды. «Қаратау кен өндіру» комбинатындағы фосфор ұнтақтайтын қондырғыны жөндеу кезінде ол іске қосылып кеткен. Ішінде бес адам болыпты. 35 және 28 жастағы екі қызметкер сол жерде жан тапсырды.

 Бейресми мәліметтерге сүйенсек, құрылғы екеуінің денесін кескілеп, бөлшектеп тастаған. Қаза тапқандар дәнекерлеуші және слесарь болып жұмыс істеген екен. Өзге үш адам жеңіл жарақатпен құтылды. Қазір осы дерек бойынша іс қозғалып, тергеу басталды.

×
Бұл желілік ресурстың ақпараттық өнімдері 18 жастан асқан адамдарға арналған.