Қазақстандықтардың алғашқы легі ертең қажылыққа аттанады

Ертең, 28 маусымда қазақстандықтардың алғашқы легі қажылыққа аттанады. Бұл туралы Azattyq Ruhy ҚМДБ-ның баспасөз қызметіне сілтеме жасап хабарлайды.

Шымкенттен 189 қазақстандық қажылыққа аттанады. Қажылыққа аттанушылар Нұр-Сұлтан, Алматы, Шымкент және Ақтау қалаларынан тікелей рейстер арқылы Сауд Арабиясының Жидда мен Мәдина қалаларына барады.

«Биылғы қажылық маусымы маусым-шілде айына тұспа-тұс келіп тұр.  Үлкен қажылықтың уақыты 7-12 шілде аралығы деп белгіленді. Қазақстаннан қажыға аттанушылар Алматы, Нұр-Сұлтан, Шымкент және Ақтау қалаларынан тікелей рейстер арқылы мен Сауд Арабия мемлекетінің Жидда мен Мәдина қалаларына барады. Олар аталған төрт қаладан 28 маусым мен 3 шілде аралығында аттанып, 15-21 шілде аралығында елге оралады», - дейді ҚМДБ Қажылық бөлімінің меңгерушісі Жәнділла Бекжігітов.

Қазақстандықтар 4 қаладан 28 маусым мен 3 шілде аралығында аттанып, 15-21 шілде аралығында елге оралады.

2022 жылы қажылыққа Қазақстаннан 4 мың адам барады деп жоспарланып отыр.

Айта кетейік, Сауд Арабиясының биылғы талаптары бойынша 65 жастан асқан адам қажылыққа бара алмайды.