Шымкентегі жарылыс. Денсаулық сақтау басқармасы нәресте шетінегенін хабарлады
Шетінеген нәресте 18 күн бұрын дүниеге келген, салмағы небәрі 790 грамм болған
фото: akspic.ru
Бүгін Шымкент қаласында болған жойқын жарылыс салдарынан туғанына 3-ақ апта толған нәресте көз жұмды, деп хабарлайды Azattyq Rýhy.
Шымкент қаласы Төтенше жағдайлар департаментінің мәліметіне қарағанда жарылыс болған уақытта №1 облыстық перинаталдық орталықта 189 пациент пен 65 қызметкер болған.
Жарылыс салдарынан орталықтың күзетшісі және 1 нәресте көз жұмды.
«Шетінеген сәби 18 күн бұрын туған. Салмағы 790 грамм еді. Жарақат алған 8 адам қаланың медициналық мекемелеріне жатқызылды», - деп көрсетті Денсаулық сақтау басқармасы.
Айта кетейік, жарылыс болған ғимарат «Межбольничная 138 дәріхана» ЖШС-іне тиесілі. Ғимараттың перинаталдық орталыққа қатысы жоқ.
Көп оқылған
20.03.2026, 11:53
Қазақстанда Наурыз мерекесінде ауа райы қандай болады
20.03.2026, 13:51
«Сыртынан қарағанда аяғы ауыр әйелге ұқсады»: Алматы дәрігерлері 69 жастағы әженің ішінен 25 келі ісік алып шыққан (ФОТО)
20.03.2026, 14:52
Алматыда Әл-Фараби даңғылындағы көпір астынан ер адамның мәйіті табылды
