Алматыда сакура ағаштары отырғызылды

Azattyq Rýhy

Сакуралармен бірге 50-ге жуық бұталар отырғызылды

Алматыдағы Онкология институтының (ҚазОРҒЗИ) аумағына сакура ағаштары отырғызылды. Бұл туралы Azattyq Rýhy ttjk.info-ға сілтеме жасап хабарлайды.

«Такеда Қазақстан» компаниясы – Takeda Pharmaceuticals (Takeda) жаһандық биофармацевтикалық компаниясының ресми өкілдігі және Қазақ онкология және радиология ғылыми-зерттеу институты (ҚазОРҒЗИ) аумағында сакура ағаштарын отырғызды. Ағаш отырғызу Онкология институты мен елімізге қатерлі ісікке қарсы инновациялық препараттарды жеткізетін жетекші фармацевтикалық компания арасындағы ынтымақтастықты одан әрі нығайтудың символы болды.

Атаулы науқан институт пен Takeda арасында қол қойылған Қазақстан аумағындағы онкологиялық аурулармен күрес саласындағы ынтымақтастық туралы келісім аясында өтті.

Рәсімге Қазақстандағы Takeda биофармацевтикалық компаниясы бөлімшесінің және Онкология институтының бірінші басшылары қатысты. Олар Институт аумағында бірнеше сакура көшетін өздері отырғызды. Ағаштар Онкология институтының ауласына, пациенттер демалатын самалжайлардың жанына орналастырылды. Сонымен қатар, компания самалжайларға іргелес аумақты аббатандырды.

Сакуралармен бірге 50-ге жуық бұталар отырғызылды, олардың ішінде хост гүлі, арша, вангут спиреясы, қызыл бөріқарақат, раушан, гортензия сияқты сәндік өсімдіктер бар.

«Бүгін болған оқиғаның символдық мәні бар. Takeda компаниясы денені емдейтін инновациялық онкологиялық препараттардың әзірлеуі мен өндірісін жүргізеді, ал біз жасаған әдемі бақ пациенттеріміздің жан дүниесін сауықтыруға көмектеседі. Біздің Takedaкомпаниясымен ынтымақтастығымыз ұзақ мерзімді сипатқа ие және ол пациенттерді барынша қолдауға, ең озық әлемдік технологияларды қолдана отырып, онкологиялық ауруларды диагностикалау мен емдеуді жақсартуға бағытталған», – деп жиында сөйлеген сөзінде медицина ғылымдарының докторы, Қазақстан Республикасы Ұлттық ғылым академиясының академигі, ҚР Онкологтар қауымдастығының президенті Диляра Қайдарова атап өтті.

Takeda өкілдері атап өткендей, компания инновациялық онкологиялық препараттарды әзірлеу мен өндіруді белсенді түрде дамытуда. Бұл фармацевтикалық алпауыт жұмысының маңызды стратегиялық бағыттарының бірі, бұл оның әлемдік медицинада жоғары технологияларды дамыту бағытын көрсетеді. Бұл ретте компанияның басты қағидаты пациентке бағдарлану болып табылады, яғни бірінші орынға әрдайым пациенттің мүддесі қойылады.

ҚазОРҒЗИ-да атап өткендей, онкологиялық аурулар Қазақстандағы адам өлімінің басты себептері арасында екінші орын алады. Сондықтан онкологиялық аурулармен ауыратын науқастарға медициналық көмек пен қазіргі заманғы терапияның қолжетімділігін арттыру – Онкология институтының маңызды міндеттерінің бірі. Қазақстанда онкологиялық көмекті жетілдіру ҚР Денсаулық сақтауды дамытудың 2020-2025 жылдарға арналған Мемлекеттік бағдарламасының және 2018-2022 жылдарға арналған онкологиялық аурулармен күрес жөніндегі Кешенді жоспардың міндеттеріне кіреді.

Елімізде жыл сайын 35 мыңнан астам жаңа қатерлі ісік ауруы тіркеледі. Қазіргі уақытта диспансерлік онкологиялық есепте 196 мыңнан астам қазақстандық тұр. Жыл сайын елімізде қатерлі ісіктен 15 мыңға жуық адам көз жұмады. Онкологиялық ауруларды ерте диагностикалау (0-1 сатыдағы қатерлі ісіктер) 2022 жылдың үш айында 1,3%-ға ұлғайды және жаңа жағдайлардың жалпы құрылымында 27,1% құрады. 2021 жылдың үш айының қорытындысы бойынша бес жылдық өмір сүру деңгейі өсіп, 55,1% құрады.

2021 жылғы деректер бойынша барлығы 143 014 пациент емделген. Аурудың индексі ауруды ерте кезеңдерде тиімді диагностикалау мен анықтаудың арқасында жыл сайын өсіп келеді және онкология және радиология ҒЗИ бұл жағдайда өзіне өте жоғары жүктеме алады. Институт пен оның бөлімшелері емдейтін пациенттері жыл сайын артып келеді. Бұл жұмыстың нәтижелілігі айқын көрінеді: тіркелген аурулардың өсуіне қарамастан, елде қатерлі ісік ауруынан болатын өлім азаяды. Мәселен, 2020 жылы онкологиялық аурулардан болатын өлім-жітім 14 мыңнан астам жағдайды құрады, бұл ретте елде 1%-дан астам төмендеуге қол жеткізілді – бұл пандемия кезінде денсаулық сақтау жүйесіне тым жоғары жүктемеге қарамастан.

Айта кету керек, онкологиялық ауруларды емдеудің заманауи әдістері әр жағдаймен жүйелі және ұзақ жұмысты қажет етеді. Көптеген пациент жыл бойы бірнеше рет емделеді, кейде бұл ұзақ уақытты алады – курс бірнеше апта, тіпті бірнеше айға созылуы мүмкін. Институт дәрігерлері мұндай жағдайда олар үшін медициналық орталық аумағында науқастар үшін ерекше жайлылық пен микроклимат жасау аса маңызды екенін атап өтті. Емдеу кешенінің аумағында сакура ағаштары мен сәндік бұталарды отырғызудың негізгі мәні осында.

×
Бұл желілік ресурстың ақпараттық өнімдері 18 жастан асқан адамдарға арналған.