Шымкентте тергеу изоляторынан қашып кеткен күдікті қолға түсті

Шымкентте ұрлық жасағаны үшін тергеу изоляторына түскен күдікті қашып кетіп, көп ұзамай қолға түсті. Бұл туралы Azattyq Rýhy Otyrar.kz-ке сілтеме жасап хабарлайды.

Белгілі болғандай, ол бір күннен кейін қалада ұсталды. Ол мұнай-газ құбырынан ұрлық жасаған, енді түзеу мекемесінен қашып кетті деп айыпталып отыр.

«12 мамырда жүргізілген жедел-іздестіру іс-шараларының барысында қашып кеткен азаматты Қылмыстық атқару жүйесі департаменті және облыстық ІІД жедел уәкілдері ұстады», – деп хабарлады Шымкент қаласы мен Түркістан облысы бойынша Қылмыстық атқару жүйесі департаментінің өкілдері.

Аталған факті бойынша Шымкент қалалық полиция басқармасы сотқа дейінгі тергеу амалдарын жүргізіп жатыр.