Ақтау халықаралық әуежайы уақытша жабылады

Azattyq Rýhy

Аптаның 3 күнінде әуежайға жөндеу жұмыстары жүргізіледі

Фото: Lada.kz

3 мамыр - 5-шілде аралығында Ақтау халықаралық әуежайының ұшу-қону жолағына жөндеу жұмыстары жүргізіледі, деп хабарлайды Azattyq Rýhy.

Дүйсенбі, сейсенбі және сәрсенбі күндері жергілікті уақыт бойынша таңертеңгі сағат 9-дан кешкі 8-ге дейін жөндеу жұмыстары жүргізіледі. Бұл күндері Ақтау әуежайы 20:00-09.00 аралығында ұшақтарды қабылдайды.

Қалған күндері әуежай қалыпты кестеге сәйкес жұмыс істейді.  

Әуежай әкімшілігінің айтуынша жолаушылар +7 (7292) 60-97-55 нөмірі бойынша әуе рейсінің ұшу уақытын нақтылай алады.

×
Бұл желілік ресурстың ақпараттық өнімдері 18 жастан асқан адамдарға арналған.