ШҚО - да ақбөкендерді қорғау үшін бекеттер қойылды

Шығыс Қазақстан облысында «Ақбөкен» табиғатты қорғау акциясына байланысты бекеттер қойылды, деп хабарлайды Azattyq Rýhy Алтайньюс сайтына сілтеме жасап.

Акция екі кезеңге жоспарланған. Біріншісі көктемде,15 сәуірден - 15 мамыр аралығында өтеді.

«Осы уақыт ішінде орман шаруашылығы және жануарлар дүниесі комитетінің аумақтық бөлімшелерінің, шекара қызметінің, құқық қорғау органдарының қызметкерлері браконьерлермен күресіп, табиғат қорғау заңнамасын бұзғандарды анықтау бойынша бірлескен іс-шаралар жүргізеді», – деп хабарлады облыстық орман шаруашылығы және жануарлар дүниесі аумақтық инспекциясы.

Инспекцияның мәлімдеуінше, өңірде қазір киіктердің саны артып келеді. Әсіресе Аягөз, Абай аудандарында киік көбейген.