13 өңірде ауа райына байланысты ескерту жарияланды

Қазгидромет 24 сәуірге арналған ауа райы болжамын жариялады. Қазақстанның басым бөлігінде жауын, ал шығысында жауын қарға ұласуы мүмкін, деп хабарлайды Azattyq Rýhy.

Республика бойынша найзағай ойнап, жел күшейеді, батыста – тұман, оңтүстікте – дауыл тұрады.

Ақмола, Павлодар облыстарының оңтүстігінде 15-20 м/с жылдамдықпен жел соғады. Алматы облысының басым бөлігінде найзағай жарқылдайды, таулы, тау бөктерлі аудандарында бұршақ жауып,  дауыл соғады.  Алакөл көлдері маңында екпіні 27 м/с жел соғады.

Түркістан облысының басым бөлігінде найзағай ойнайды, дауыл соғады, таулы аудандарында бұршақ, ал солтүстігі, батысы, таулы және тау бөктерлі аудандарында желдің екпін 17-22 м/с жетеді.

Батыс Қазақстан облысының батысы, солтүстігі, солтүстік-шығысында тұман түседі. Түнде Атырау облысының шығысы мен орталығында найзағай, түнде және таңертең тұман күтіледі. Ақтөбе облысының шығысында желдің екпіні 15-20 м/с күшейеді, дауыл соғады.

Қостанай облысының оңтүстігінде найзағай ойнайды, желдің екпіні 23 м/с жетеді, солтүстігінде тұман болады. Қарағанды облысының батысы, оңтүстігі мен орталығында найзағай, түнде батысы мен орталығында кей уақыттарда екпіні 23 м/с жел соғады.

Шығыс Қазақстан облысының солтүстік жартысында, оңтүстік-батысы мен оңтүстігінде желдің екпіні 25 м/с жетеді.  Қызылорда, Жамбыл облыстарында жауын, найзағай, бұршақ, дауыл соғып, желдің жылдамдығы 23-28 м/с жетуі ықтимал.