Қазақстаннан Тәжікстанға ұшатын рейстер саны көбейді

Azattyq Rýhy

Елдер арасындағы рейстердің жалпы саны аптасына 6-ға жетеді

 
Қазақстаннан Тәжікстанға ұшатын рейстер саны көбейді
Фото: pixabay.com

Тәжікстанның авиациялық билік органдарымен бірлескен жұмыс нәтижесінде Қазақстан мен Тәжікстан арасындағы тұрақты жолаушылар рейстерінің саны артып келеді, деп хабарлайды Azattyq Rýhy.

Осылайша, «Somon Air» тәжік әуекомпаниясы 2022 жылдың 25 сәуірінен бастап Душанбеден Алматы қаласына халықаралық рейстердің санын Б737 типті әуе кемелерінде аптасына 1 рейстен 2 рейске дейін арттыруды жоспарлап отыр.

«Сондай-ақ қазақстандық «Эйр Астана» әуекомпаниясы 1 мамырдан бастап Душанбе және Алматы қалалары арасындағы рейстер санын аптасына 1 рейстен 3 рейске дейін және 1 маусымнан А320 үлгісіндегі әуе кемелерінде аптасына 3 рейстен 4 рейске дейін арттыруды жоспарлап отыр. Осылайша, елдер арасындағы рейстердің жалпы саны аптасына 6 рейске жетеді», - делінген ҚР ИИДМ баспасөз хабарламасында.

Рейстер санитарлық-эпидемиологиялық талаптарды қатаң сақтай отырып және әуекомпаниялардың сайттарында жарияланған кестеге сәйкес орындалатын болады.

×
Бұл желілік ресурстың ақпараттық өнімдері 18 жастан асқан адамдарға арналған.