Павлодар облысында орман алқабы өртенді

Павлодар облысындағы Көкжал орман шаруашылығының аумағында өрт болды. Бұл туралы облыстық ТЖД баспасөз қызметі мәлім етті, деп хабарлайды Azattyq Rýhy.

Департамент мәліметінше, орман шаруашылығы алабының №204 және 224 кварталдары отқа оранған. Өрттің орын алғаны анықталған уақыт - 12: 35. Қызыл жалынмен күрестің басталуы - 13:03, оқшаулау сағат 17: 33 кезінде мүмкін болды.

«Шамамен 330 гектар болатын өрт шалған алапта ескі арам-шөптер мен 2018-2020 жылдардағы орман дақылдары болға», - деп хабарлады Павлодар облысы ТЖД баспасөз қызметі.

Өртті сөндіруге 35 өрт сөндіруші мен тоғыз техника жұмыс істеді. Өрттің шығу себебі пен келтірілген залал көлемі алда анықталады.