ШҚО-да медбикені зорлаған ер адамға қатысты сот үкімі шықты

Шығыс Қазақстан облысында медбикені зорлаған ер адамға қатысты сот үкімі шықты, деп хабарлайды Azattyq Rýhy тілшісі YK-news.kz басылымына сілтеме жасап. 

Басылымның мәліметінше, соттың үкімімен ер адам 8 жылға бас бостандығынан айырылды. Сонымен қатар зардап шеккен тараптың пайдасына 2,5 миллион теңге өтемақы өндірілді. 

«Медбикені зорлаған ер адамға қатысты ҚР Қылмыстық кодексінің 120-бабының 2-бөлігі 2-тармағы бойынша сот үкімі шықты. Сот үкімі заңды күшіне енген жоқ», - делінген аудандық соттың хабарламасында.

Медбике өзінің қызметтік міндетін атқарған, ал ер адам мас күйде болған.