Елордада дауылды ескерту жарияланды

«Қазгидромет» РМК деректері бойынша 20 қаңтарда елордада тұман түсуі күтілуде, деп хабарлайды  Azattyq Rýhy тілшісі Нұр-Сұлтан қалалық Төтенше жағдайлар департаментіне сілтеме жасап.

«Оңтүстік-батыстан соққан жел солтүстік-батысқа ауысады, таңертең және күндіз екпіні 15-20 м/с күтіледі. Табиғи сипаттағы төтенше жағдайында адамдардың қаза болуына жол бермеу мақсатында, ведомстволық бағыныстағы кәсіпорындар мен ұйымдарының тұрақты және авариясыз жұмысын қамтамасыз ету бойынша, қалалық қызметтер, тіршілікті қамтамасыз ету объектілерінің, Департаменттер мен басқармалардың басшылары қажетті шаралар қабылдасын. Жағдай қиындаған кезде дереу баяндаңыздар», делінген Нұр-Сұлтан қаласы ТЖД таратқан хабарламада.