Қаңтар-ақпан айларында елімізге 8,5 млн долларға гүл әкелінген

Azattyq Rýhy

Сұранысқа ие гүлдердің көш басында раушан гүлдері тұр

Фото ашық дереккөзден

2022 жылдың қаңтар-ақпан айларында Қазақстанға барлығы салмағы 1 085 тонна, құны 8,5 млн АҚШ долларына тең гүл әкелінген, деп хабарлайды Azattyq Rýhy Хабар 24 арнасына сілтеме жасап.

Сұранысы ең жоғары – раушан гүлдері: салмағы – 724 тонна, құны 6 млн АҚШ долларына жуық гүлдер әкелінген. Екінші орында – хризантемалар (салмағы – 97 тонна, құны – 883 мың АҚШ доллары), үшінші орында – қалампыр (салмағы – 28 тонна, құны – 165 мың АҚШ доллары). Сонымен қатар, лалагүл де жоғары сұранысқа ие, оны 24 тонна салмағымен 178 мың АҚШ долларына әкелген, басқа да жаңа кесілген гүлдер мен бүршіктер де (қызғалдақ, hydrangeas, линолиум,  гипсофила, финикс,  ирис,  гортензия және басқа да экзотикалық гүлдер) салмағы 167 тонна, құны 1,1 млн АҚШ долларына әкелінген.

 Ағымдағы жылы гүлдер Нидерланды (535 тонна), Бельгия (162 тонна), Германия (115 тонна), Эквадор (94 тонна), Литва (79 тонна), Колумбия (54 тонна), Өзбекстан (69 тонна), Кения (15 тонна), Словакия (5 тонна), Израиль (4 тонна) және Түркия (3 тонна) елдерінен әкелінген.

 Өткен 2021 жылы салмағы 5 752 тонна, құны 41,4 млн АҚШ долларын құрайтын гүлдер әкелінген. Сондай-ақ, өткен жылы раушан гүлдері жоғары сұранысқа ие болған, оларды 3646 тонна салмағымен 28,2 млн АҚШ долларына әкелген, хризантемаларды 714 тонна салмағымен 4,8 млн АҚШ долларына, лалагүлді 240 тонна салмағымен 1,4 млн АҚШ долларына, қалампырды 197 тонна салмағымен 1,1 млн АҚШ долларына әкелген.

 

×
Бұл желілік ресурстың ақпараттық өнімдері 18 жастан асқан адамдарға арналған.