Әсет Исекешев жаңа қызметке тағайындалды

Мемлекет басшысының жарлығымен Әсет Өрентайұлы Исекешев ҚР Президентінің көмекшісі – Қауіпсіздік кеңесінің хатшысы болып тағайындалды. Бұл туралы Ақорда сайтында жарияланды.

Әсет Өрентайұлы Исекешев 1971 жылы Қарағанды қаласында туған. 1994 жылы Әл-Фараби атындағы ҚазМУ-дің заң факультетін, 1998 жылы ҚР Президенті жанындағы жоғары мемлекеттік басқару мектебін аяқтады.

2008 жылы - ҚР Президентінің көмекшісі; 

2009 жылғы мамырдан бастап Индустрия және сауда министрі;

2010 жылдың наурызынан бастап Премьер-министрдің орынбасары - Индустрия және жаңа технологиялар министрі;

2012 жылдың қаңтар айынан бастап - Индустрия және жаңа технологиялар министрі;

2012 жылдың қыркүйегінен 2014 жылдың 6 тамызына дейін ҚР Премьер-Министрінің орынбасары - Индустрия және жаңа технологиялар министрі;

2014 жылдың 6 тамызынан бастап Инвестициялар және даму министрі;

2016-2018 жылдары Астана қаласының әкімі;

2018-2019 жылдары ҚР Президенті Әкімшілігінің басшысы;

2019 жылдың наурызынан бүгінге дейін ҚР Тұңғыш Президенті – Елбасы қорының атқарушы директоры қызметін атқарды;