Майнерлерге салынатын салық көлемі артады
Үкімет қысқа мерзімде олардың жұмысын реттеуге міндетті
Майнерлерге салынатын салық көлемі артады. Себебі қазір 1 киловатт энергия үшін олар небәрі 1 теңге ғана төлейді. Бірақ бірнеше облыс тұтынатын электр энергияны жаратып отыр, деп хабарлайды Azattyq Rýhy.
Ал олардың қызметінен айтарлықтай пайда жоқ. Өнім шығармайды. Жұмыс орындарын ашпайды. Криптовалютадан айтарлықтай түсім түспейді.
Мемлекет басшысы Қасым-Жомарт Тоқаев тиісті қызмет түрімен айналысатын барлық фирманы 15 наурызға дейін тексеруді тапсырды. Қаржылық мониторинг агенттігі салық кеден түсімдері мен келісімшарттарды бүге-шегесіне дейін қарап шығу керек.
Ал Үкімет қысқа мерзімде олардың жұмысын реттеуге міндетті. Бұл шаралардың нәтижесі 1 сәуірде белгілі болады. Сондай-ақ Президент энергетикалық қауіпсіздік мәселесін шұғыл шешуді жүктеді. Атом электр станциясы болмаса экономикамыз құрдымға кетеді. Бірақ жауапты адамдар бұл мәселеден басын алып қашады. Бізге таза атом энергиясы қажет деп кесіп айтты.
