Алматыда жағдайы нашар 100-ден астам отбасы жеке кәсіптерін ашты

Алматыда «Бастау Бизнес» жобасы аясында биыл жүзден астам көпбалалы және жағдайы нашар отбасылары жеке кәсіптерін ашқан. Әкімдіктің қолдауы арқылы бизнеспен айналысып жатқандардың арасында мүгедек жандарда бар. Қаржылық қолдау арқылы кәсіпкер атанғандарға 1200 грант берілді, деп хабарлайды Azattyq Rýhy тілшісі.

Өздерінің жеке арманын жүзеге асырмақ ниетпен арнайы оқуға екі мыңнан астам адам қатысқан.

«Кәсіпкерлер палатасына адамдар тек бизнес мәселелері бойынша ғана жүгінбейді. Біз кәсіпкерлерді оқытамыз. Биыл «Бастау Бизнес» жобасы бойынша 2 201 адам дайындасақ, олардың ішінде 1 200-і грант алды.  Палатаның түлектері жыл сайын өздерінің бизнес туралы армандарын жүзеге асыра отырып, жетістіктерін де көрсетеді.  Палата өз кезегінде олармен байланыс орнатып, жаңа бастаған кәсіпкерлер үшін шеберлік сабақтарын өткізеді», - деді Алматы қаласы Кәсіпкерлер палатасының директоры Айтуар Қошмамбетов.

Сондай-ақ, Палата кәсіпкерлерге қаржылық емес шаралармен көмектеседі. Бизнесті жаңадан бастаған адамдар  бухгалтерлік және салықтық есеп жүргізу, сондай-ақ есеп беру жөнінде білімдерін де көбейте алады. Мамандар заңды тұлғаны тіркеуге көмектеседі, құрылтай құжаттарын жасайды, маркетинг, мемлекеттік сатып алу және несие бойынша кеңестер береді. Палата директоры биылғы жылы Кәсіпкерлерге қызмет көрсету орталығының қызметкерлері 950 млн теңгеден астам сомаға 25 қаржыландырылған бизнес-жоспар әзірлегендерін атап өтті.

«22 маусымнан бастап біз 27 оқыту сессиясын өткіздік, оған Қазақстанның түкпір-түкпірінен 27 465 пайдаланушы қатысты. Осы жоба аясында кәсіпкерлерді оқыту мәселелері бойынша біз Amazon, Wildberries, Yandex сияқты ірі холдингтермен ынтымақтасамыз. Бар, озон, Satu.kz сондай-ақ, Каспи дүкен, халық маркет, Форте маркет банк маркетплейстерімен ынтымақтаса бастады. Палата Atameken Business Club платформасын іске қосты, оның арқасында HoReCa, туризм, сауда және т.б.  бизнестің 10 саласы қамтылған бухгалтерлік есеп, салық және кадр тақырыптары және бизнесті жүргізудің басқа да өзекті мәселелері бойынша тегін онлайн-кеңестер өткізіледі», - деді Палата директоры.

Сондай-ақ, өз компанияларында тәртіп орнатқысы, сатуды жақсартқысы және бизнестегі процестерді реттегісі келетін шағын бизнес иелері үшін Almaty Business-2021 оқу бағдарламасы іске қосылды. Оқу барысында бағдарламаға қатысушыларға тәжірибелі үйлестірушілер мен салалық сарапшылары көмектеседі. Аталған бағдарламаға барлығы 1750 кәсіпкер қатысуға өтінім берді, оның ішінде 1038 қатысушы оқуларын сәтті аяқтаған. Ал ірі кәсіпорындарды қолдау аясында Алматыда 42,7 млрд теңгенің 27 жобасы қаржыландырылған. Мақсат мегаполистегі шағын және орта бизнестің дамуына көмектесу. Сүйемелденетін жобалардың ішінде өңдеуші өнеркәсіп саласы жетекші орында – 70%, одан әрі қызмет көрсету саласы.

«Сусындар мен тамақ өнімдерін өндіретін RG Brands Kazakhstan кәсіпорнына тоңазытқыш жабдықтарын сатып алу үшін 4,3 млрд теңге сомасында кредит берілді, сусындар өндіретін «Жигалма» ЖШС айналым қаражатын толықтыру үшін 1 млрд теңге сомасында несие алды. Алматыда жергілікті өнім шығару белсенді қолдауға ие. Отандық өндірушілер арасынан 400 млн теңге сомасына мектеп жиһазын жеткізуге консорциуммен келісімшарт жасалды. Тағы бір «Склад ОВ» кәсіпорны 50,6 млн теңге сомасына 19 мың секция радиаторын жеткізуге келісімшарт жасады. «Алматылифт» компаниясы 449 млн теңгеге 46 лифт шығарды», - деді Қошмамбетова. 

«Алматы бас жоспары» ҒЗИ» ЖШС-мен бірлесіп Алматы қаласы бойынша құрылыс материалдарының каталогы жасалмақ. Қаланың «дизайн кодына» отандық құрылыс материалдарын енгізуге мүмкіндік береді.