Жаңа Зеландияның аспаны сары түске боялды

Австралия өртінің түтіні 2 мың км жерді артқа тастап, Жаңа Зеландия жеріне жетті. Мемлекетті қалың тұман басты, ал халық түтін иісіне шағымдануда, деп хабарлайды Азаттық рухы ВВС-ге сілтеме жасап.

«31 желтоқсан күні Оңтүстік арал тұрғындары бірінші болып австралиялық өрт салдарын сезінді. Бұл жердің аспаны сары түске боялып, тау басын тұман басты», деп жазады басылым.

Автордың айтуынша, тұман 36 сағат бойы кетпеген. Сонымен қатар мұздықтар мен қар түсінде де өзгерістер байқалған.

Естеріңізге сала кетсек, Австралиядағы орман өртінен 18 адам қаза тауып, жарты миллионға жуық жануар өлді.