КВИ таралуы бойынша тағы бір өңір «жасыл» аймаққа өтті

Өткен тәулікте республикада 1732 адам COVID-19 вирусын жұқтырған

 
vecteezy.com

ҚР Денсаулық сақтау министрлігінің 23 қазанда жариялаған өңірлердегі эпидемиологиялық ахуалды бағалау матрицасына сәйкес, Атырау облысы «сары» аймақтан «жасыл» аймаққа енді, деп хабарлайды Azattyq Rýhy.    

Атап айтқанда, «Қызыл» аймақта: Нұр-Сұлтан, Алматы қалалары, Қостанай, Павлодар, Ақмола, Солтүстік Қазақстан облыстары;

«Сары» аймақта: Қарағанды, Қызылорда, Шығыс Қазақстан облыстары;

«Жасыл» аймақта: Шымкент қаласы, Алматы, Атырау, Ақтөбе, Батыс Қазақстан, Түркістан, Жамбыл, Маңғыстау облыстары тұр.

Айта кетсек, өткен тәулікте республика бойынша 1732 адамның коронавирус жұқтырғаны анықталды. Жалпы, еліміз бойынша COVID-19 вирусымен ауырғандар саны 926 534 адамға жетті. Сондай-ақ елімізде коронавирус пен пневмониядан бір тәулікте тағы 34 адам көз жұмды.  

×
Бұл желілік ресурстың ақпараттық өнімдері 18 жастан асқан адамдарға арналған.