Бақшасында марихуана өсірген ауыл тұрғыны ұсталды

Солтүстік Қазақстан облысында марихуана өсірумен айналысқан ауыл тұрғыны ұсталды. Полицейлер күдіктінің бақшасынан аталған өсімдіктің 60 келісін тәркіледі, - деп хабарлайды Azattyq Rýhy тілшісі.

Аталған факті бойынша қылмыстық іс қозғалып, сотқа дейінгі тергеу амалдары басталды.

Дәл осындай жағдай Мамлют ауданында да тіркелді. 49 жастағы ер адамның үйінен аса ірі көлемдегі ұсатылған марихуана жапырақтары табылған. Кептірілген шөптің салмағы 5,3 келі.

Петропавл полицейлері «Допинг» алдын-алу шарасын жүргізген болатын. Тәртіп сақшылары 4 күннің ішінде 74 келіден астам түрлі есірткі затын тәркілеген. 11 есірткі қылмысы ашылды.

Эльмира Мәмбетқызы, СҚО