Instagram жасөспірімдерді тарту үшін 390 млн доллар жұмсаған

Facebook-ке тиесілі Instagram әлеуметтік желісі 13-15 жас аралығындағы жасөспірімдердің сенімін жоғалтып алғысы келмейді.  Бұл туралы The New York Times басылымы компанияның ішкі құжаттарына және анонимді дереккөздерге сілтеме жасап хабарлады.

Instagram маркетингтік бюджеттің көп бөлігін жастарды тартуға жұмсайды екен.

Жас пайдаланушылардың көмегімен Facebook өз аудиториясының "қартаймауын" қамтамасыз еткісі келген. Алайда, басылымның мәліметінше, қазір компания бұл стратегиядан бас тартыпты.

Зерттеулерге сәйкес, Instagram жас пайдаланушыларға кері әсерін тигізеді. Және Facebook өкілдері бұл туралы жақсы біледі.Әсіресе, Instagram жасөспірім қыздарға көп зиян келтіруде. Статистика көрсеткендей, Instagram желісі оларды депрессияға, мазасыздыққа жиі түсіреді екен.

Қазіргі уақытта Instagram жас пайдаланушылар үшін TikTok және Snapchat сияқты қарсыластарымен бәсекеге түсуде.