Коронавирус пен пневмониядан өткен тәулікте 54 науқас көз жұмды

Денсаулық сақтау министрлігі 25 қыркүйектегі коронавирус инфекциясымен ауырғандарға қатысты ақпаратты жариялады, деп хабарлайды Azattyq Rýhy COVID-19 таралуына жол бермеу жөніндегі ВАК мәліметіне сілтеме жасап.

Өткен тәулікте COVID-19 вирусынан 46 адам қайтыс болды.

25 қыркүйектегі мәлімет бойынша, 64 475 адам коронавирус инфекциясынан (–55 621 + және 8 854 КВИ-) емделуде, олардың ішінде 11 146 пациент стационарда, 53 329 науқас амбулаториялық деңгейде ем қабылдап жатыр.

КВИ+, КВИ- шалдыққандардың арасында:

- 895 адамның жағдайы ауыр,

- 230 пациенттің жағдайы өте ауыр,

- 138 науқас ӨЖЖ аппаратында жатыр.

Сондай-ақ COVID-19 пневмониясына қатысты ақпаратқа сүйенсек, 23 қыркүйектегі мәлімет бойынша 200 жаңа жағдай тіркелді,  139 адам емделіп шыққан, 8 адам көз жұмған.  
Жалпы, 2020 жылдың 13 наурыздан бастап:

- науқастар саны – 75086; 

- өлім жағдайы – 4784;

- барлығы 61 448 адам сауығып шықты.