Қарағандыда мемлекет қаражатын жымқыру бойынша қылмыстық іс қозғалды

Қаржылық мониторинг агенттігінің Қарағанды облысы бойынша аумақтық департаменті Агроөнеркәсіптік кешенді дамытудың 2017-2021 жылдарға арналған мемлекеттік бағдарламасы бойынша бөлінген бюджет қаражатын жымқыру дерегінің жолын кесті.

Тергеу мәліметтері бойынша, 2018-2020 жылдары Қарағанды облысының жеке кәсіпкерлерінің бірі өңірдің 68 шаруа және фермер қожалықтарының атынан күн сәулелік панельдерінің (батареяларының) жиынтығын сатып алуды инвестициялық субсидиялауға өтінім берген.

«Бұл ретте, кәсіпкер шаруа қожалықтарына күн сәулелік батареяларының әрбір жиынтығы үшін 3,1 миллион теңге артық құнмен сату туралы жалған шарттар жасасқан. Бұл алынған субсидиялау сомасын жасанды түрде арттыру үшін жасалған. Жеке кәсіпкер негізсіз алған субсидиялардың жалпы сомасы 253 миллион теңгеден асады», - делінген хабарламада.

Қазір бекітілген айыптау актісімен қылмыстық іс сотқа жолданды.