Риддерде жоғалып кеткен зейнеткер табылды

16 шілде күні Риддер қаласының құтқарушыларына Коноваловка ауылы маңында 76 жастағы зейнеткер жоғалып кеткені туралы хабарлама келіп түскен деп хабарлады Алтайньюс.

17 шілде күні таңертең мамандандырылған өрт сөндіру бөлімінің қызметкерлері полицейлермен бірге іздеу жұмыстарына кірісті.

«Іздеуге жоғалған адамның ұлы да бірге шықты. Омарталар, қараусыз қалған үйлердің барлығы тексеріліп, жақын маңдағы адамдардан сұрадық. Оқиға орнынан 2 шақырым жердегі су жағасынан зейнеткер табылды. Ол өзін іздеп табатынына сенімді болып, сол жерде күтіп отырған болып шықты. Осылайша 12-де іздеу операциясы аяқталды», - деді ШҚО ТЖД баспасөз қызметі.
 

Зейнеткерді дәрігерлер тексеріп, оның денсаулығы жақсы екенін айтты.