ШұғылCOVID-19: Қазақстанда өткен тәулікте 7800-ге жуық адамнан вирус анықталды

Өскеменге жолаушылар пойызының қатынау жиілігі ұлғаяды

Пойыздардың қозғалыс кестесі бойынша ақпаратты «105» нөмірінен алуға болады

Фото: ашық дереккөзден

Өскеменге жолаушылар пойызының қатынау жиілігі ұлғаяды, деп хабарлайды Azattyq Rýhy.

«Ведомствоаралық комиссияның шешіміне және Индустрия және инфрақұрылымдық даму министрлігінің хатына сәйкес, 18 маусымнан бастап жолаушылар пойыздарының жүру жиілігі артады. №68/67 «Нұр-Сұлтан Нұрлы жол – Өскемен-1» аптасына 1 рет орнына Нұр-Сұлтан - Нұрлы жолдан 23.06.2021 ж. бастап күн сайын жүретін болады», - делінген «Қазақстан темір жолы» ҰК» АҚ баспасөз қызметі хабарламасында. 

Сонымен қатар пойыздар №351/352 «Алматы-2 – Өскемен-1» күнара қатынаудың орнына Алматы-2-ден 23.06.2021 ж. жөнелтіліп, күн сайын қатынайтын болады.

Жолаушылар пойыздарының қозғалыс кестесі бойынша барлық өзекті ақпаратты «105» нөмірі бойынша Bilet.railways.kz сайтынан және «Қазақстан темір жолы» ҰК» АҚ аккаунттарынан алуға болады

«Коронавирустық инфекцияның таралуы кезінде Bilet.railways.kz және «ҚТЖ билеттері» мобильді қосымшасын пайдалана отырып жолаушылардан теміржол билеттерін сайтта онлайн рәсімдеуді сұраймыз, вокзалдар аумағында және пойыздар ішінде бетперде режимін сақтау қажет», - делінген хабарламада.