ШұғылCOVID-19: Қазақстанда вирус жұқтырғандар саны 406 мыңнан асты

Қазақстандық спортшы стенд атудан Токио олимпиадасына жолдама жеңіп алды

Зоя Кравченко 1999 жылы 24 мамырда Шымкент қаласында дүниеге келген

Зоя Кравченко, фото: olympic.kz

Халықаралық спорттық ату федерациясы (ISSF) стенд атудан Еуропа чемпионаты аяқталған соң, қосымша лицензияларды сарапқа салды. Нәтижесінде, жолдама стенд атудан Қазақстан командасының мүшесі Зоя Кравченкоға берілді. 

Зоя Кравченко 1999 жылы 24 мамырда Шымкент қаласында дүниеге келген. Азия чемпионатының екі дүркін күміс жүлдегері, Универсиада ойындарының және Үндістандағы әлем кубогі кезеңінің күміс медаль иегері. Сондай-ақ, кубоктік кезеңде командалық есеп бойынша чемпион атанған. 

Жыл басынан бері қазақстандық мергендер әлем кубогі кезеңдері мен Азия чемпионатына қатысып, 10 медаль жеңіп алды. Оның ішінде 2 алтын, 4 күміс және 4 қола медаль бар. Халықаралық федерация қосымша лицензияларды 2021 жылдың 7 маусымына дейін үлестіреді. Содан кейін Қазақстан спорттық ату федерациясы Олимпиада ойындарына қатысатын құрамды жариялайды.

Айта кетелік, бұл мергендер еншісіндегі үшінші, ал жалпы есептегі 61-жолдама. Бұған дейін нысана көздеуден Юрий Юрков, стенд атудан Сәрсенкүл Рысбекова лицензия жеңіп алған болатын.