ШұғылҚазақстанда өткен тәулікте КВИ жұқтырғандар саны күрт өсті

Бас санитар дәрігердің жаңа қаулысы жарияланды

Ерлан Қиясов «Ashyq» жобасына енуге тиіс кәсіпкерлік нысандар тізімін жария етті

 

 
Фото: ашық дереккөзден

ҚР Бас мемлекеттік санитар дәрігері Ерлан Қиясов «Кәсіпкерлік объектілерінде «Ashyq» жобасын енгізу туралы» жаңа қаулыға қол қойды, деп хабарлайды Azattyq Rýhy.

Қаулыға сәйкес, ҚР халқы арасында COVID-19 коронавирустық инфекциясының таралуының алдын алу мақсатында «Ashyq» жобасы барлық өңірлердегі кәсіпкерлік объектілерінде іске асырылатын болады.

Бас санитар дәрігер «Ashyq» жобасын мынадай нысандарға енгізуді тапсырды:

- йога орталықтарын қоса алғанда, фитнес-клубтары;

- спа-орталықтары;

- сауналар, бассейндер;

- PlayStation клубтарын қоса алғанда, компьютерлік клубтар;

- боулинг клубтары;

- кинотеатрлар;

- театрлар мен филармониялар;

- асхана типіндегі объектілерді, стрит-фудтарды қоспағанда, қоғамдық тамақтану объектілері, жазғы алаңдар, фуд-корттар, банкет залдары;

-облысаралық және қалалық тұрақты емес (туристік) тасымалдар;

- бильярд клубтары;

- концерт залдары;

- ерікті қатысушылар;

- караоке;

- көрмелер;

- океанариум;

- марафондар;

- көрермендер қатысатын спорттық іс-шаралар;

- Нұр-Сұлтан қаласының әуежайы;

- Алматы қаласының әуежайы;

- (2021 жылғы 31 мамырдан бастап) Шымкент және Түркістан қалаларының және (2021 жылғы 7 маусымнан бастап) Ақтау және Қостанай қалаларының әуежайлары;

- лотерея клубтары және лотерея сататын өзге де орындар.

Сондай-ақ жұмысын дұрыс атқармаған нысандарды «Ashyq» жобасынан шығару алгоритмі жарияланды.

«Ashyq» жобасына қатысушыларды жергілікті атқарушы органдар (әкімдіктер) мынадай негіздер бойынша шығарады:

- мониторингтік топтың объектіде жобаға қатысуға қойылатын талаптардың бұзылуын растайтын фактілерді анықтауы;

- объекті келушілерге 3 күннен артық check-in жүргізбеуі;

- Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның шешімінің негізінде жобадан шығарады.

«Қолданыстағы жұмыс алгоритмін бұзған қатысушы мониторингтік топтың нәтижесі бойынша жобаға 2 аптадан ерте орала алмайды. Мониторингтік топтың нәтижесі бойынша жұмыс алгоритмін қайталап бұзған қатысушы жобаға 2 айдан ерте орала алмайды», - делінген Қаулыда.

Жаңа қаулының толық мәтінімен мына жерден таныса аласыздар.