«Ертіс» футбол клубының бұрынғы директоры сотталды

Әлеуметтік желіде павлодарлық «Ертіс» футбол клубының бұрынғы директоры Серік Омархановтың бір жылға бас бостандығынан айырылғаны туралы сот үкімінің көшірмесі жарияланды, деп хабарлайды Pavlodarnews.kz.

Сот отырысы 12 мамырда Павлодар қалалық №2 сотында өткен көрінеді.

Құжаттарға қарағанда ҚР Қылмыстық кодекісінің «Ertis» ФК бұрынғы директоры Серік Омарханов мемлекеттік кіріс органдарына қате мәліметтері бар салық декларациясын тапсырып, сол арқылы мемлекетке шығын келтірген. Шығын мөлшері - 193 939 013 теңге.

«Сот Қылмыстық кодекстің 118, 383, 387-393, 395-398, 401, 402 баптарына сүйене Серік Қорғанбайұлы Омархановты ҚР Қылмыстық кодекісінің 245-бабы 1-тармағы бойынша кінәлі деп тауып, үш жыл бойы қаржылық және коммерциялық құрылымда лауазымдарды иелену құқығын айыра минималды қауіпсіздігі бар қылмыстық атқару жүйесіде 1 (бір) жыл мерзімге бас бостандығынан айыру түрінде жаза тағайындау туралы үкім шығарды, - делінген құжатта.

Естеріңізде болса, футболдан Қазақстанның бес дүркін чемпионы (1993, 1997, 1999, 2002, 2003) және Кубок иегері (1997/98) павлодарлық «Ертіс» командасы қаржылық қиындыққа байланысты былтырғы маусымды орта жолдан аяқтауға мәжбүр болды.